လယ်သမားတိဆင်းရဲနီရေဆိုကေ ယင်းတိုင်းပြည်ကိုအုပ်ချုပ်နီတေဂေါင်းဆောင်တိစွာ ေ-ာက်သုံးမကျဆိုစွာကိုဖော်ပြနီရေလို့ ဖြည့်စွက်လိုရေ။ အသုံးကျရေဂေါင်းဆောင်တိအုပ်ချုပ်နီရေတိုင်းပြည်မှာ လယ်သမားတိစွာမဆင်းရဲကတ်။ ယင်းဆင်းရဲနီရေလယ်သမားတိကို နှိပ်ကွပ်နီရေ အစိုးရနန့်စစ်တပ်အတွက်ဆိုကေ ယင်းသူရို့ကို ပြောဖို့စကားတောင်မဟိ။ ယင်းပိုင် လယ်သမားတိကိုဖိနှိပ်နီရေ အစိုးရကို တော်လှန်ကေတော်လှန်၊ မောင်းထုတ်ကေမောင်းထုတ်။ ယင်းချင့်စွာ လယ်သမားတိအတွက် လယ်သမားတိလုပ်သင့်ရေအလုပ်။ အေတိုင်းပြည်ရဲ့အတိတ်သမိုင်းမှာ,ဆရာစံ၊သခင်ဖိုးလှကြီး၊ ၁၃၀၀ ပြည့်အရေးတော်ပုံဆိုစွာ မတရားဖိနှိပ်နီရေအစိုးရကို လယ်သမားတိက သူပုန်ထကတ်စွာဖြစ်တေ။ ခေတ်အဆက်ဆက်မှာ မတရားအုပ်ချုပ်ရေအစိုးရကိုပုန်ကန်ခကတ်တေ။ လယ်သမားတိအတွက်အသုံးမကျရေအစိုးရနန့် လယ်သမားတိကို အနိုင်ကျင့်နီရေစစ်တပ်လက်အောက်မှာ အသက်ရှင်နီရစွာထက် ယင်းအစိုးရနန့် စစ်တပ်ကို မောင်းထုတ်တိုက်ပွဲဝင်ယင်း သီလားစွာကပိုမြတ်တေ။ အေဂုခေတ်စွာ,ဒုတ်၊ဓားကိုင်တော်လှန်ရီးမဟုတ်။ AK-47 အသစ်စက်စက် Brand New ကိုကိုင်လို့တော်လှန်ရရေခေတ်ဖြစ်တေ။ ယေဇု, လာ— ချကတ်ဖို့နှန်းရာ။ ယင်းသူရို့ ရခိုင်ပြည်မှာ ရှင်သန်ခွင့် အေတစ်နှစ်လောက်ရာ။ အေတစ်နှစ်ထက်မပိုစီရ ဆိုရေယုံကြည်ချက်နန့် မောင်းထုတ်ကတ်မေ။ အေပုံထဲမှာပါရေ Better to fight and fall than to live without hope. မျှော်လင့်ချက်တစ်စိလေ့မဟိဘဲ ရှင်သန်နီဖို့တတူတူ, တိုက်ပွဲဝင်လို့ သီဆုံးခြင်းအရသာကို ခံစားလားကတ်မေ။

ရခိုင်လူမျိုး Dr.ညိုထွန်းအောင် ၂၀၁၉ ခုနှစ်၊ဇူလိုင်-၄ ရက်(ကြာသပတီးနိ)